21.9.2010

Aamu-SUMUA ja RUSKAA


*ENSIMMÄISIÄ SUMU-AAMUJA RUSKA AIKANA*

Son siihen laihin sanottava. Son nyt sitä aikaa aamusela, jollon 'vannoutunut' kuvvaaja totiaa ko' kattellee ulos klasista aamusela heti päivän alettua valakenehmaan kuuen jäläkheen, sitä on sumua ja utusta tuola ulukona.
Ei siinä palijon aikaa eikä harkintaa tarvita ko' aamu kahavin hätäsesti siemastuuhhaan sieppaa ees jonkin laisen kuvvaus-laitheen matkhaansa ja harppoo jo takkiihan napittaen vanhoile kuvvaus paikoile pashiin.
Ei sielä sen kummempaa oo ko' ennenkhään. Samoja näkymiä utusen takkaa alakaa hilijalheen palijastua. Moon yli kymmenen vuotta jo päivystäny erilaisisa ilimoisa ja säisä näilä samoila paikoila. Kuvia on tullu tai sitten ei ole. Ei noo mikhään kuitenkhaan mithään 'kuolemattomia' otoksia.
Onhan niisä jokhaisesa kuvasa aina jotaki erilaista monesta eri asiasta johtuen.
Meilä täälä Kuusamosa käy nuita 'ruska-turisteja' kymmeniä tuhansia syksysin. Paikkakunnan omat 'turistit' tuskin vaivautuvat kovinkhaan hanakasti tutustumhaan Luonto-Kaupungin nähtävyykshiin.
Olis kovasti kiva tietää moniko arvaa tai on tietonen mistä yllä olevat kuvat on otettu....?
Ei'hän tämä kovinkhaan vaikia arvotus oo.Voin kyllä sanua esimerkkinä, että yli kymmenen vuotta sitten otin kuvan samasta paikasta mistä tuo ylin kuva on kuvattu. Siinä oli vielä sillon jonkinlainen rakennus-rähjä - 'lato'...? Ko' mie vein dia-kuvan esile Kaamoskameran kuva ilthaan, paikkakunnan 'vanhat' kuvvajat sanovat etteivät oo huomanheet tuotakhaan paikkaa aikasemmin kuvaukselliseksi...!
Että tämmöstä 'kuva-jorinaa' tällä kertaa...!
http://picasaweb.google.com/eskoa514

Ei kommentteja: