21.10.2010

*Syyskuun Kuva* Lokakuussa...!!

'Son Siihen Laihin' sanottava - sitä olhaan menosa talavia kohen 'talavi-rajotuksila'.
Siittä ei päässä yli eikä ympäri.
Met vaihama kohta nuo 'ajan-näyttäjät'ki' talavi-aikhaan. Sitä sen mie vain jaksa ymmärtää, mistä kaivethaan se yksi tunti - syksylä...?  Kevväälä se taas häipyy - se tunti - ja panhaan johonki...!!??
Tai voi'han solla toisinki päin...??
Noh' son semmosta korkiamman tason vähennys- ja yhtheenlaskua josta minun ei kannata tällä laskupäälä puhua mithään.
Sem'mie vielä käsitän, ko' mie katon nuita syyskuun-kuvia, että siinä voi olla: -  kukka, vihirijjää väriä ja ruskan-punasta'ki jonkin verran.
Niin'ko talaven tulua ees vähän jarruttelehmaan ja muutenki 'kaamos-ajan' synkeyttä ees vähän piristhääkseni mie paan tähän vielä tämmösen 'piristys-kuvan'. Touppinkin kansa sillä ei oo mithään tekemisä. Siitä mie sannou'un ehottomasti irti... 'Touppinkista'... Son semmosta mahotonta virkistystä, ettei sitä ees saa ajatellakhaan ees syys-kaamoksen synkkyyesä.
Methän piristämä ittiämme nuila milijoonila maailimala essiintyvilä 'valokuvila'....!
Net kuvat ovat melekimpä poikkeuksetta kaikkien ihimisten ihhailtavina. Niitten kieltä ymmärtävät kaikkien maitten kanslaiset uluko-näkhöön ja rothuun kattomatta.
Mr'Google' on joskus vähän ymmälhään tästä murtheesta. Kattokhoon sekin vain nuita kuvia ja jättäkhöön sen murtheen-kääntämisen muitten - paremmin ossaavien - hommaksi...!
http://picasaweb.google.com/eskoa514

Ei kommentteja: