3.8.2010

Kauhniin Rumia

*SISILISKON POIKANEN*

*Hämähäkki*

Non'nuita 'Pikku-Elläimiä' vaikka kuinka kauhniita ja rumia ko' niitä kattellee vähän lähempää. Voi sanua  - ainaki semmonen kuvvaaja joka on nähäny tarpheeksi monta 'kuun-kiertua' - non *Kauhniin-Rumia*...!

Tuosa alakuvasa 'Hämähäkki' on joutunu 'veen-varhaan'. Kovasti se katteli anovasti pelastajjaa. Noh' mie oon aina valamis - tienki kuvvauksen jäläkheen - auttamhaan pulhaan joutunutta. Veestä auttamisen jäläkheen Se lähti  hyäkuntosena 'taapertamhaan' vaikka ilimeisesti yksi jaloista'ki oli jääny matkan varrele...?

Tuo ylimmän kuvan *Pikku-Sisi* on myös terhakka liskon-alaku. Tuosa Se 'kortteeraa' Pikku-Mökin porthaitten alla. Ei soo koola pilattu - tuskin 3-4 senttiä pitkä. Onhan Sille'ki tapahtunu haaveri - hännästä on palanen pois. 
Sehän ei oo ko' muutaman ajan 'kauneus-virhe' - se kasvaa entistä ehompana uuelheen...!

Eelheen'ki kattelen tätä elämän-menua sillä silimälä, ettei soo aina *kaunista ja ruusuila tansimista*.
Sitä on myös tuota *ruman-kaunista* - Sitä voi myöskin katella kamerala samala laila...!
 

Ei kommentteja: