Son Siinä....! Ja Siihen on uskominen...! MITTARIT EIVÄT VALEHTELE...? Vai valehtelevatko'han ne sitteki? 'Meteorolookitki' eppäilevät jo laitheithaan...? Onhan'se mahotonta... Ei täälä Suomesa soo mahollista...?
Mie muistan'ko olthiin Saarajokivarresa heinänteosa 1950-luvula. Syöthiin suolasta - 'hevosen-lihhaa' - lähtheestä juothiin vettä pääle...Oli'han se piimäleiliki kylymäsä - lähtheesä. 'Hiki virtasi'... Enhään ko' ei pystyny juohmaan mithää... piethiin vain kieltä veesä... Oli se kuumaa hommaa... Isän veli niitti heinää suo-niitylä *käyrän-varren-vikatheela*... Mäthäitten välistä muula sollu mahollista... Itikoita ja mäkäräisiä niitä oli palijon, ja paarmoja - ainaki kolomia kokua. Pikiölijy - soili ylheinen 'teotorantti' niitten karkottamisheen. Met 'apu-pojat' koothiin heinää - ko' soli kuivannu - suohvaan...!
Heinää haethiin sitten talavela elukoile hevosela - kairan poikki - 'umpista' - hevosen polokemmaa talavitietä pitkin - kymmenen kilometriä oli lyhyt matka...! No...joo... soli sillon... 60-vuotta sitten...!
Nyky-Ihiminen se valittaa kuumuutta ja itikoita ko' se makkaa variosa ja juo 'pilsneriä' pillilä...
Joopa... joo... mihinkhään tämä 'maailima' vielä menneekhään...!?
Ei kommentteja:
Lähetä kommentti